Vakila na veiveisau ni bula e tu e tuba-ni oti e 27 na yabaki ena vanua ni veivakarautaki.
Written by Atu Kurumudu on March 22, 2023
Sa qai mai talaci vakadua na kisi ni turaga ko ya totogi taki me rauta e 241 na yabaki ena loma ni vale ni veivesu. Mai vakaraitaka tiko na turaga yabaki 44 qo o Bobby Bostic ni ya se vesu sara ena gauna e se yabaki 16 kina ena vuku ni butako kei na tovo vakarerevaki, ka levu sara na veiveisau e mai vakasarava na gauna sa sere mai kina.
Ni oti vinaka e 27 na yabaki ena nona vesu sa qai sereki mai na turaga oqo , ka dua talega na ka e vou vua nai walewale ni veiqaravi ena vei sitioa ena gauna me laki volivoli yani kina kani dau rogoca na vosa oqo [“Sir, can I help you?] – Kemuni, au rawa beka niu vukei kemuni?
Kuria ni veimataqali vosa e rogoca e tautuba e dutani mai na veivosa eso e dau rogoca ena gauna e tauri tiko kina vakavesu.
Dua na ka e tarai koya vakalevu na itovo ni veikauwaitaki e mai sotava ena gauna sa suka mai kina , ena nodra mata dredredre na lewe ni vanua kei na nodra mata mamarau na gone lalai ka kaya ni sai koya dina oqo na bula e dodonu meda bula kina.
Ena gauna oqo e sa mai veisautaka na nona bula o Bobby ka sa mai lewena tiko e dua nai soqosoqo ka dau vukei ira na veimatavuvale ka sega soti nira rawati ira vakavinaka.
source:metronews
