KALOUGATA O VANI VA’AGA AREI NI MAI LEWENA NA ROOSTER CHICKEN FIJIANA DRUA
Written by Atu Kurumudu on March 22, 2023
E vakaraitaka na goneyalewa dauqito o Vani Va’aga Arei ni dua na kalougata levu vua ni qiriti yani me mai lewena na timi ni Rooster Chicken Fijiana Drua ena yabaki sa oti, ka sega ni veivutunitaka na nona vakatulewa.
E nanamaki tu o Arei ena kena taqomaki tale ena yabaki oqo na bilo ni Super W.
Tukuna o koya ni vakacagau vaka-vinaka tiko ena gauna qo na nodratou vakavakarau na goneyalewa,dina madaga ni kaukauwa nai vakarau ni tereni, ia oqo e dua na ka e kauti ratou vata mai.
Na Fijiana Drua ena sota kei Brumbies ena matai ni sotasota ni Super W ni oti na 1 ena 25 na miniti ena yakavi ni Vakarauwai oqo ena rara na Prince Charles.
Ia, na timi ni Swire Shipping Fijian Drua ena calidi kei Highlanders enai ka lima ni raoni ni sotasota ni Shop N Save Super Rugby Pacific ni vo e 25 na miniti me 4 na kaloko ena Vakarauwai talega oqo.
