SERE VOU-RATU PASIKALI NAEVO-CAGI MUDRE NI DELANI RAVORAVO.
Written by Mika Qalobula on May 24, 2023
CAGI MUDRE NI DELANI RAVORAVO-Na matasere oqo e liutaka tiko ko Amueli Tora ka cavu tu mai na Koro ko Natalau,Sabeto mai Nadi ka rau lagata vata kei Ledua Cakacaka na i liuliu ni matasere mai na Cagi Ni Delai Yatova.
RATU PASIKALI NAEVO-Oqo na talanoa ni sere me baleta na nona a mai kacivi na nona bula na cauravou oqo o Ratu Pasikali Naevo na cauravou ni Nawaka mai Nadi, ka tara na o loaloa ni rarawa na matavuvale nei Pasikali ka vakilai ni lutu na liliwa ka votu na lolosi me vaka ni sa vakatauca na Kalou na nona lewa me sa gole yani ki vua.
E a sucu na cauravou oqo e na vula o Okotova ,2004 ka i ka rua e na veitacini lewe ono,e vasu e na yanuyanu bulabula mai Taveuni,ka vuli e na Natabua High School ka bau lewena talega na mata timi ni Under 19 ka vaka talega kina na Under 20 ni noda Vanua e na qito rakavi .
E levu vei keda ni ra rogoca na yaca oqo “NAEVO”, e votu mai na noda vakasama na qito rakavi, ka vakila na lolosi kei na tagi ni Vanua o Nawaka na nodra mai kacivi na Ravouvou kei Nalagi ka vaka uasivi na nona matavuvale me vaka ni sa muria tiko yani o Ratu Pasikali na gaunisala me na kilai kina e na butu rara ni rakavi e na noda vanua ka gaunisala ka muria na turaga na tamadra o Apisai Naevo.
Na sere oqo e buli walega me i vakananumi tu ga ni nodra bula,ka sa na i wewe tu ga ni gusudra na Vanua o Nalagi kei na koronivuli o Natabua High School ,na nona matavuvale,ka vakauasivi na Vanua o Viti na nona bula lagilagi na Ravouvou kei Nalagi o Ratu Pasikali Naevo.
E rawa talega ni rogoca na sere oqo e na VITI FM
VITIFM92.2FM/92FM/92.6FM-E KAMICA QAI KAJI
I VUREVURE:AMUELI TORA
