VAKATAROGI KA VAKASUKAI TALE MAI NA SITESENI NI OVISA MAI VALELEVU O BAINIMARAMA
Written by Mika Qalobula on May 24, 2023
E sa vakasukai mai ena siteseni ni Ovisa mai Valelevu na Prime Minisita e liu o Voreqe Bainimarama ni oti na nona vakatarogi ena siga nikua.
E vakaraitaka na Chief of Intelligence and Investigations ni Ovisa o Sakeo Raikaci ni nona vakatarogi nikua e tomani tikoga mai ni veivaqaqai me baleta na nona vakayagataka vakatawadodonu na nona valenivolavola, ena vuku ni nona vakadonuya vakatawadodonu na $500,000 na ilavo koya dodonu me vagolei ena vakarautaki ni veiyaya ni valenibula.
Ia, e tomana o Raikaci ni sa vakau sara na rivote oqo kina valenivolavola ni dau ni veibeitaki ni matanitu, ka kuria, ni rivote qo esa rivotetaki kina tabana ni FICAC, ka ratou sa vakayacora tiko na kena veivaqaqai na tabana ni CID.
VITI FM 92.2FM/92FM/92.6FM-E KAMICA QAI KAJI.
I VUREVURE:FIJI VILLAGE
Reader's opinions
Continue reading
