Buluti tamana ena loma ni lori – Ghana.
Written by Atu Kurumudu on June 3, 2023
Dua na dau ni bisinisi e Navrongo ka koto ena tokalau ni vanua o Ghana, sa vakaraitaka nina buluti tamana ena loma ni nona lori. Na yaca ni turaga oqo ko Norbert Atodio ka sa kaya vei ira na wekana me kua ni voli na kisi ni mate ni sai sosomi ga ni kisi na nona lori me rau bulu vata kei tamana.
E mai vakatauca na nona lewa na tagane oqo me vakaraitaka na nona lomani tamana vakalevu kei na nona solia e dua na ka, ka dau vakamareqeta vakalevu sai koya na nona lori. E tukuni talega ni se bera ni mate o tamana , sa dau kerei Atodio voli ni gauna ena mate kina me nona kisi ni mate ga na lori.
Levu na wekana era vosavosa kina nira sega ni duavata ena veika e vakayacori oqo ni sa lako tani mai nai walewale ni nodra veibulu dina vakavanua, Ia e vuqa talega era duavata kei koya ena veika ka vakayacora me vaka ga na kerekere nei tamana.
source:google
