SERE VOU – BALOLO WALEGA – SENIBUA KOULA

‘SENIBUA KOULA’ – Na matasere oqo e liutaka tiko  o Emosi Diani na cauravou mai na Bucabuca ko Rewa ,ka madila vinaka toka ena nona vakabiuta toka na veiqaqani sere e dau bulia, ka totoka ena noda dau rogoca ena kena dau vakatagitaki ena VITIFM.

‘BALOLO WALEGA’ – Oqo e dua na nodratou sere vou na mata i lawalawa na ‘SENIBUA KOULA kei Emosi Diani,ka talanoataki kina na nodrau bula yaga e dua na veiwatini lomani, ka rau sa kacivi yani ena bula ka tarava,na vanua eda na muria taucoko.

O Vitale Ramasi na Turaga ni Nakorovou,Kubulau mai Bua, ka dua voli mai na nona cauravou totoka  ka yacana o Filipo Seavula,ni bera ni rau qai mai veidomoni kei Resina Naikata ,na marama ka cavutu mai na  koro vakaturaga o Veivatuloa, ena yasana vakaturaga o Namosi ,ka rau a vakamau ena yabaki 1962.

E qai mai 8 na luvedrau, ka qase o Vitalina Lovorua,ka tarava ko Mere Tuituva,ka 3 o Maria Bolaitavea,Selina Tinailulu ei ka 4,ka tarava o Veronika Salaivalu,ka nodrau Rosi ni Vuvale o Makitalena Marama,ka rau gone sara na drua o Luisa Dirika, kei Kaie Bekanimoli.

Sa i wewe tu ni gusudratou na nodrau dau veiqaravi na nodrau i tubutubu,me vaka ni rau qaravi ka susugi talega vei rau na qase  o Vitalina Naikore ,kei Mere Apolonia,ka rau dau marautaka talega  na makubudrau niutaki o Elikiseda Tuiverata.

Sa koto qori na sere kei nai talanoa vakaciriloloma kei na kenai yaloyalo, ka sa balolo walega ni vakanananu.

E rawa talega nio rogoca na sere oqo ena VITIFM 92.2FM.

VITIFM 92.2FM/92FM/92.6FM – E KAMICA QAI KACHI !!!

I VUREVURE – RAMASI FAMILY