Tao ena nona lawa na yago ni tamata -Tunisia.

Ena kena tubu tiko nai wiliwili ni nodra sasaga ki Iurope , e tubu talega vaka kina nai wiliwili ni mate ena nodra saga mera kosova na wasawasa na Mediterranean.

Era saasaga tiko na iliuliu ni veimatanitu mai Iurope me tarovi na leqa oqo , sa laki votu kina na kena revurevu ena baravi kei Tunisia.

E loma ni wasawasa ena Tokalau ni baravi kei Tunisia , e coba toka ga na matai Oussama Dabbebi ena loma ni nona lawa ni qoli ka ni vuqa na gauna e sega walega ni coko kina na ika.

Mai na vica na ika kara coko mai , e raica na dauqoli oqo ni tao tale tu ga ena nona lawa na yago ni tamata. Ena imatai ni gauna a via rere vakalailai na turaga oqo, ia oqo e kaya o koya ni sa vaka e sa matau tale tu vua me raica na yago ni tamata ena loma ni nona lawa ni qoli. Ena loma ga ni 3 na siga , kaya o Dabbebi ni kunea kina e 15 na yago.

Tomana ka kaya ni dua na gauna a kunea kina e dua na yago ni gone lailai , e sega ni tarova rawa na wai ni matana ni tabaka na tagi.

E a tekivu qoli na turaga oqo ena gauna a se qai yabaki tini voli kina.

source:bbc