SERE VOU-UCUNIVATU KEI VADRAVADRA-KO RALUVE BEKA.
Written by Mika Qalobula on June 21, 2023
UCUNIVATU KEI VADRAVADRA–Oqo na matasere ka kena iliuliu tiko o Joeli Temo ka cavutu mai na koro vakaturaga o Vadravadra mai Gau,ka lewena tale tikoga na nona matasere na cauravou ka veiqaravi tale tikoga ena sala ni kakaburaki oqo na Viti Fm, oya o Demesi Kakaya.
KO RALUVE BEKA-Oqo nai talanoa ni sere me baleta na nodrau veidomoni e dua na Cauravou kei na dua na Goneyalewa luveni Turaga,ka kamikamica sara na nodra veidomoni ka laki vakavuna me laki vakaraitaka vakavanua o Cauravou vei Tubutubu nei Goneyalewa na nodrau veitalanoa.
E ratou ciqoma ena yalo vakaturaga na veika kece vakavanua e laki vakayacora yani o Cauravou,ka ratou qai kerea walega mai me oti na nodrau vakamau me qai rau laki tiko vata ena vale nei Cauravou,ka mani ciqoma ena yalo vakaturaga o Cauravou me vaka ga na kena valavala.
Sa dua naka nona vakamareqeta o Cauravou na nodrau veidinadinati,ka mani dua na siga e sureti yalewa sara me rau laki vakayakavi vata se(dinner),ka qai kavou ka talei sara vei Cauravou ni raici Goneyalewa ni Vau voliga na domona ena i sulu ka ra dau vakayagataka na Goneyalewa ena Gauna ni batabata.
Ena gauna rau sa yaco kina ena vale ni kana rau na veitau oqo, sa laki kauta sara mai o Goneyalewa na i matai ni veleti ni kakana,ka coba voli ga na nona i oro ni domo ,ia ena gauna me biuta kina nai matai ni veleti ni kakana ya qai rai yani o Cauravou ena gauna e laqa mai kina na i oro ni domo,ka qai raica o cauravou na we ni kati se (love bite) ni sa tu e domoi goneyalewa,ka sa sega tale ni qai tatau o Cauravou,na gauna me qai lesu mai o Goneyalewa kei na i karua ni veleti ni kakana sa lala tu nai i dabedabe nei cauravou.
Sa dua naka na mosi e tarai Cauravou na nona vakamareqeta tu na dina kei na savasava ni nodrau veiwekani ya ,ka qai mai raica tuga vakasakasaka na kenai vakadinadina, oqo sai koya nona taura tuga vakamamada o goneyalewa na dina ni nodrau veidomoni.
VITI FM 92FM/92.2FM/92.6FM-E KAMICA QAI KACHI!
I VUREVURE-DEMESI KAKAYA
