SERE VOU-SENIVUGA BROTHERS-NOQU VAKAMAU.

SENIVUGA BROTHERS-Na matasere oqo e tauyavutaki ena yabaki 2022,ka vakatokayacataki e Nasautoka,Wainibuka mai Tailevu,ia o ratou na cauravou ka lewena tiko na matasere oqo eratou dau lagasere tu mai ena vei mata sere tani tale eso,ka ratou biubiu mai me mai tauyavutaki se bucini na matasere oqo sai koya na  Senivuga Brothers.

Na gauna tauyavutaki kina na matasere oqo a nodratou liuliu ka veiliutaki tiko  kina o Tony Biau,ka sa gole i Ositerlia ena vuku ni qaravi tavi vakacakacaka,Ka sa nodratou iliuliu vou tiko ena gauna oqo o Aseri Qaranivalu,ka cavutu mai Namarai mai Ra..

E ratou lewe 4 kece o ratou na Cauravou ka lagasere tiko ena matasere oqo,oya o Joe Ritova ka cavutu mai Nailega,Korovou mai Tailevu.Jone Toudua,ka cavutu mai Kiuva,Bau Tailevu,Kameli Ritova,ka cavutu mai Namalata mai Kadavu.Na nodratou Manidia ka Dauniveitokoni vei ratou na matasere oqo o Mr Samoa Taulaga,ka cavutu mai Tuvalu.

Inoke Talainaivalu Ledua-Oqo na cauravou ka vola se composer taka na sere oqo ka cavutu mai Nukuni,Ono mai na Yatulau ka vasu kina loma ni koro vakaturaga o Naikeleyaga,Kabara mai na Yatu Lau.

NOQU VAKAMAU-Oqo nai talanoa ni Sere me baleti rua na veiwatini,ka talanoataki kina na nodrau bula ni veidomoni,ka ma i sevu ni nodrau sota oya ena 1997,KA veiqaravi tiko o goneyalewa ena tabana ni Lands,ka cavutu mai o Goneyalewa oqo ena yasana vakaturaga o Ra ka vasu ki Naikeleyaga,Kabara mai na Yatulau ia o Cauravou e cavutu mai Natokalau,kabara mai na Yatulau.

Ia sa dau dua naka nona dau vinavinakati yalewa voli o cauravou oqo ia qai se bera tiko ni taucoko na dodomo nei goneyalewa me vaka ni se marautaka voliga na nona bula vakagoneyalewa,ka se bera sara ni matua ena bula ni veidomoni.

Dau gade yani na cauravou oqo ena vuvale nei goneyalewa ka ratou dau tukuna vua na vuvale nei goneyalewa me sa lakovi goneyalewa ga yani me watina,ia ena 1998 rau veirai ga sini mani yaco sara na i naki,ka rau lai dui vakawati ka toki sara yani o cauravou ki na vanua levu o Niusiladi.

Ia ena yabaki 2006 e qai gade ki Niusiladi o Goneyalewa,ka donumaka tu ni sega ni taucoko tu nodrau dui bula ni vakawati o rau na rua oqo,ka mani rogoca o Cauravou ni sa tiko voli i Niusiladi o goneyalewa, ka sa vaqarai koya saraga.

Ena nona vaqaqara voli o Cauravou ka rau qai mai sota donu tu kei goneyalewa ena dua na danisi ni Qvs ka vakayacori mai Niusiladi,ka qai dua na ka nona kidacala ko goneyalewa ni sa basika tu ko cauravou,ka sa tekivu saraga mai kea na nodrau veitalanoa ka yaco me rau lai vakawati ena 2008 ka sa 15 na yabaki qo na balavu ni nodrau vakamau.

Ka qai dau mala ni nodrau vosa tu,ni nodrau vakawati ena sega vakadua ni dua naka ena tawasea,ena qai tawasea ga ko mate.

VITIFM 92FM/92.2FM/92.6FM-EKAMICAQAIKACHI!

I VUREVURE-INOKE TALAINAIVALU