ENA TAVOCA E RUA NA NONA SERE VOU NIKUA KO SULIASI ULUILAKEBA.
Written by Atu Kurumudu on July 3, 2023
Vakacagau na soqo levu ni Fiji Showcase 2023. Sa oti e lima na yabaki sa qai lesu tale mai. Nikua e vakatokai tiko me Career Expo Monday ka gauna vinaka mo laki raica kina na veitabana ni vuli e rawa mona vakuria kina nomu vuli, ka gauna vinaka talega vei ira na luveda.
Ia , na gauna namaki meda kua ni calata , oya na nona na vakaitavi tiko ena Vodafone Entertainment stage na cauravou daulaga sere ko Suliasi Uluilakeba. E vaka itkotiko ga mai na yasayasa vaka Ra na turaga oqo ka dau dredre nida dau raici koya ena koro turaga e Suva. Ena nona basika mai oqo – cava tale meda qai kaya- na KERE VUDE ga sa tarava mai.
A mai ciqoma e tolu nai cocovi o Suli ena soqo levu ni FIPRA Music awards ena yabaki qo wili kina na Best Artist, Best Composition of the year kei na Best Recording Engineer.
Mai rogoci koya ka saravi koya e matana votu ena yakavi saraga nikua ena Career Expo Monday ni Fiji Showcase 2023 ena Vodafone Entertainment stage. Nanuma 7 kina 8 na kaloko ena yakavi bogi nikua. Sota kina.
source:Vitifm
Reader's opinions
Continue reading
