Rau ciri voli ena wasa Pasifika kei na nona koli.
Written by Atu Kurumudu on July 18, 2023
Rau ciri voli me vica vata na vula ka sega ni dua e vukei rau yani. Ia, na marau levu rau sega ni vakamacalataka rawa ena gauna sa yaco yani kina na veivuke.
Tim Shaddock , yabaki 51 kei na nona koli o Bella e rau a biuti La Paz Mexico mai ena tolu na vula sa oti. Oti vinaka e dua na vula nodrau soko voli , a qai donumaki rau e dua na cagi kaukauwa ka vakacacana saraga vakaca na nodrau waqa laki wili kina na veika vakalivaliva kei na gaunisala ni veitaratara. Kaya na turaga oqo , ni o Bella e bula voli ga ena kana ika droka kei na wai.
Tim Shaddock ena gauna sa laki vueti kina.
E qai kunei rau na pailate ni helicopter ni dua na waqa ni qoli tuna ena igolegole lesu tale ki Mexico.
source:abcnews
