Vakatauca nona vakatulewa na EPCR : Johnny Sexton banned

Sa mai totogitaki me kua ni qito ena 3 na qito na flyhalf ka kavetani ni Ireland ko Johnny Sexton. Tauca na vakatulewa oqo na the European Professional Club Rugby (EPCR). Oqo e salamuria ga na veika a vakayacora o Sexton vei Jaco Peyper na dau vakatagi-sici se revari ena gauna a druka kina na timi ni Leinster ena European Champions Cup Final.

A yaco na veika oqo ena vula o Me, ena Aviva Stadium e Dublin ena nodratou a druka kina na timi ni Leinster vei La Rochelle ena 27-26.

Dina ni a sega ni qito o Sexton ena vuku ni mavoa , e a qai curu ga yani i loma ni rara ni sa oti na qito ka laki vosavosa vei revari [Peyper] kei iratou na cicivaka tiko na qito ena siga oya.

Nona mai vakatabui me qito oqo ena calata kina na qito ni vakatakata ena timi ni Ireland mena sota kei Italy ena Okosita ka lima ni siga , tarava yani na sota kei Igiladi vata kei Samoa.

Totogitaki talega na timi ni Leinster me sauma e £7,500 [€8,750].

Ena qai rawa sara ni qito o Sexton ena imatai ni nodratou qito ena sotasota levu ni vuravura kei na timi ni Romania ena Seviteba ka 9 ni siga e Bordeaux.

source:google