Era gade ki Niusiladi na gonevuli ni QVS.
Written by Atu Kurumudu on December 12, 2023
Rauta nira lewe 30 na gonevuli , rua na qasenivuli kei na 8 na itubutubu era gade voli tiko e Niusiladi ena gauna oqo.
Era biuta vata na ituvatuva ni gade oqo na itubutubu ni gonevuli ni Y12 kei na Y13 ena veiliutaki nei Mrs Tulia Moceituba. Era na laki siga 12 kara laki sikova sara na koronivuli levu na Waikato University. Tiko talega ena nodra ituvatuva mera laki sarasara kina Auckalnd University kei na Wellington University.
Tiki talega ni gade vakavuli oqo , na nodra na laki sota tiko ena dua na friendly match kara biuta vata mai na Hamilton Fijian Community e kea. Era laki maroroi tiko na gone vei ira na noda era sa vakaitikotikoo e Hamilton ena veiliutaki maqosa nei Mr Samisoni Speight. Era na laki 4 na siga e Hamilton, 4 na siga e Wellington ka 4 talega na siga e Okaladi.
Era veitokoni ena i golegole oo na itubutubu ena saumi ni nodra i vodovodo na gone. Bau talega kina nai soqosoqo ni vuli oti na QVSOB Wellignton,Fijian Community Hamilton kei na Fiji High Commission ena kena vakarautaki na nodra visa se ivola tara ni curuvanua.
source:Joseph M
