Toso vinaka nodratou qito na Laucala Bay Athletics Club e Christchurch, Niusiladi.
Written by Mika Qalobula on December 12, 2023
Ratou laki vakaraitaki ratou vinaka sara na dauqito mai na kalavo ni qito na Laucala Bay athletics club ka ratou mata-taka na Athletics Fiji kina sotasota ni New Zealand Secondary School Athletics Association . A Vakayacori na sotasota oqo ena macawa sa oti.
![](https://vitifm.com.fj/wp-content/uploads/2023/12/385546862_299175055871077_5419147999035768838_n-225x300.jpg)
Ena qito mai Christchurch oqo , ratou mai rawata kina e dua na metali koula ena Javelin kei na metali varasa ena 4x100m realy. Na metali koula a mai rawata ko Loata Lewageena , na goneyalewa vuli e RSMS ka a mai voroka ka tekia e dua nai sausau vou ena Coke games. Loata e goneyalewa ni Nadroga ka vasu ki Doi , Ono-I-Lau.
![](https://vitifm.com.fj/wp-content/uploads/2023/12/386877621_1721671305008129_626377142329626879_n-300x225.jpg)
Ratou na qai tadu lesu tiko mai ena rara ni waqavuka e Nadi ena yakavi ni nikua.
Source:Eseta Laisenia Takayawa