CIQOMA NAI LOLOMA LEVU O NAI TALATALA ILIESA KOROI

E sa mai ciqomi ena siga nikua  mai na Lotu Wesele e Viti kei Rotuma,e dua nai loloma levu,oya  e dua na Motoka vou nei Nai Talatala Iliessa Koroi,ka volia vua e dua na cauravou i Taukei ka gole  sara mai Ositerelia.

O Nai Talatala Koroi e liutaka tiko na Veivakalotutaki  ena loma ni Lotu Wesele e Viti kei Rotuma,kei ratou nai lawalawa na ‘MASU GA MINISTRY’,ka vuqa sara na vanua ena veiyasai Viti eratou laki veiqaravi kina ena kena laki vakatetei tiko na vosa bula ni gone Turaga O Jisu Karisito,ka  ra wili talega kina o ira na tacida ka ra vakacalai tu vakalawa,ena veitikoiko ni veivakadodonutaki.

E vakaraitaka o Nai Talatala Koroi,ni sa dua dina na veivakalougatataki levu,me vaka ni sa dau masulaka tiko me dua na nona Tolili,me veivuke ena vuku ni nodratou veiqaravi,ka sa mai vakadinadinataki ni sa  rogo na nona  masu.

Na gone i Taukei ka volia a lori oqo,e a lako ga mai ena noda vanua ena siga Moniti,mai volia na Lori qo,ka a qiritaki sara vei Talatala,me vaka ni a se veivakalotutaki sara tu mai Korotogo,mai Nadroga, dewa yani ki Natabua kei Namosau mai Ba.

E tomana o Talatala Koroi ka kaya ni sa qai dua nai loloma levu,me vaka ni rau na marautaka tiko kei Radini nai ka 40 ni yabaki ni nodrau bula ni vakamau enai ka 29 ni siga ni vula oqo,ka na tiki ni siga talega oqori,rau na vuka tiko tiko vakaveiwatini ki na vanua levu o Amerika ena vuku ni veivakalotutaki.

Ia,e talei dina nida sarava na liga loloma ni Kalou Bula ena kena vakarautaki ka mai lolomataki kina na Lori vou nei Talatala Iliesa,ka laurai matana votu na veisotavi ni Turaga ena kena dinati nai tavi ni veiqaravi.

Nai sau ni lori vou qo e $107,000,ka sa mai vakatabui talega ena siga nikua.

VITIFM 92.2FM/92FM/92.6FM/92.4FM – E KAMICA QAI KACHI!!

I VUREVURE – TALATALA ILIESA KOROI

I TABA –

Methodist Church In Fiji and Rotuma