Current track

Title

Artist

Background

E SEGA NI DUAVATA O VILIMONI DELASAU E NA VEIKA E RATOU MAI SOTAVA NA MATA TIMI NI BA

Written by on February 25, 2024

E sega ni duavata na dauniveivakatavulici ni mata timi ni Ba o Vilimoni Delasau e na veika e ratou mai sotava na nona timi ni Ba, e na vuku ni kena mai vakaraitaki tale vei i ratou ni nodratou na sota kei na timi ni Suva e na siga Vakarauwai ,e dua ga na qito ni vakatakata, ia e dodonu me matai ni nodratou qito e na sotasota ni Skipper Cup.

E vu mai na vakatulewa oqo e na¬† nodratou a daramaka tu mai na nodratou siqeleti ka veitokoni kina na kabani na “BLK”, ia e dodonu me volai tiko kina na nona veitokoni na kabani na “QAQA” koya e vakarautaka na i soqosoqo ni rakavi na Fiji Rugby Union.

E qaqa na timi ni Suva vua na timi ni Ba e na kai 29-0 ka sega talega ni dua na poidi e soli ni bera ni tekivutaki na qito e na siga Vakarauwai sa oti. E tukuna o Delasau ni ratou a sega madaga ni veitaratara yani vei i ratou na FRU me baleta na kena vakarautaki e dua na nodratou siqeleti ni qito, ia e vakarautaki tu ga yani vei i ratou na siqeleti koya e sega madaga ni bau rauti i ratou vinaka, ka tukuna ni ratou vakayagataka e sivia e $8,000 e na nodratou vakavakarau ki na sota oqo, ka vakalusi gauna talega na veika e mai macala tu kina.

https://www.fijivillage.com/news/We-have-been-treated-unfairly-by-the-FRU—Delasau-4f85rx/

VITI FM:92.2/92.0/92.6 FM-E-KAMICA-QAI-KAJI

I VUREVURE: FIJI VILLAGE


Reader's opinions

Leave a Reply

Your email address will not be published. Required fields are marked *