SOLI TIKO NA I VAKARO NI TAUBI NI UCA KEI NA LUTU NI KURUKURU.

Taubi tiko na uca e Suva ena gauna qo.

O ni sa vakasalataki na lewenivanua mo tiko vakadua ga e vale,ra qarauni vinaka na lalai,kei na manumanu ka yawaki kemunii mai ena so na veika ena rawa ni vuna na mavoa ena vuku ni kena soli tiko na i vakaro ni taubi ni uca kei na lutu ni kurukuru.

Ena gauna sara ga qo,vakilai sara tiko na taubi ni uca ena wasewase e loma.E Suva e taubi sara tu ga qo na uca.

Ena vakilai tale tiko ga mai ena Coral Coast,na Ceva, Vualiku, Tokalau kei na loma ni vanua e Viti Levu,ena Wasewase-e-Loma kei Macuata,Cakaudrove,oka tale ga kina o  Momi, Mavua, Magodro, Noikoro, Nadrau, Komave, Nuku, Batiwai, Namosi, Navuakece, Lutu, Lawaki, Nalaba, Navolau, Saivou, Kavula, Nailega, Sawakasa, Vugalei, Vuna, Nausori, Burenitu, Rewa, Wailevu West, Savusavu, Koroalau, Seaqaqa, Sasa, Wairiki, Labasa, Nadogo, Saqani, Vaturova, Natewa, Vuna and Waiyevo.

Vakaraitaka na tabana ni Draki mai Nadi ni dua na ua ni draki suasua e toso vakamalua tiko mai ena noda vanua,ka kauta vata tiko mai kei na vakatu loaloa ni draki kei na tau ni uca.

Vakilai tale tiko ga na lutu ni kurukuru ka sala muria tiko mai na tau ni uca,ka vuna na kena rawa ni luvu na vaivanua buca eso ena vica na auwa mai qo.

Kerei na nomuni qaqarauni na vaka i tikotiko ena veivanua bucabuca,kei na vaka i tikotiko ena yasa ni vei uciwai eso.

Ivurevure:fijivillage.