SERE VOU-RATU MATAIASI WAQAVESI LUTU VANUA-MATASERE-SENIDAWA NI DELAI DOKIDOKI FT SENIKUTA DAMU E LOMAI NAMACU
Written by Mika Qalobula on March 25, 2024
SENIDAWA NI DELAI DOKIDOKI FT SENIKUTA DAMU E LOMAI NAMACU-Na matasere rogolevu sara e na noda vanua ka rau cavu ruarua tu mai Koro e na Yatu Lomaiviti , ka vuqa sara na nodratou sere o ni sa dau rogorogoca tiko e na nomuni sala ni kakaburaki na Viti Fm.Na matasere ruarua oqo e vola ka lagata na sere vou oqo kei Ratu Mataiasi Waqavesi Lutu Vanua.
RATU MATAIASI WAQAVESI LUTU VANUA-Oqo na i talanoa ni sere kei Ratu Mataiasi ,ka sucu e na i ka 23 ni Jiune e na 2019,na nona i tubutubu ko Jone Vanua na turaga na Tamana kei Lusiana Vanua na marama na Tinana. E cavu tu mai na loma ni koro ko Mabula ,Cicia mai na Yatu Lau , ka vasu e na loma ni koro ko Namacu mai Koro e na Yatu Lomaiviti, ka duabau ga na ganena ko Alitia Maumau Vanua.
E rauta ni dua ga na macawa na nona vuli voli e Dilkusha Methodist Kindergarten , ka qai tauvi koya kina e dua na tauvimate lailai e na siga Tusiti na i ka 6 ni siga ni vula ko Veverueri, na kaukauwa ni kena bikai koya na tauvimate oya me yacova sara na nona mai leqa e na vale ni bula levu e Suva e na i ka 7 ni siga ni vula ko Veverueri.
E sa qai mai macawa dua talega o tamana e na vuku ni gole vakagade mai vanuatani me vaka ni cakacaka jiko mai vanuatani , me mai raici ratou na nona veitinani , ka qai ka ni rarawa ni mai donuya na mate nei luvena tagane. E dua na gone dau mamarau, yalomalua ka dau varorogo vei ratou e vale, ka dau lomana vinaka na ganena kei ira na tamata kecega ka ra dau gade yani e na nona vale, e gone dau matai tale toka ga na vakalutu vosa me dau vakamarautaki ira tu kina na nona vuvale, wekana kei ira na nona i caba.E buli walega na sere oqo me i vakananumi tu ga ni nona bula na cauravou lailai oqo ko Ratu Mataiasi Waqavesi Lutu Vanua.
VITI FM:92.2/92.6/92.0 FM-E-KAMICA-QAI-KAJI
VUREVURE:LUSIANA VANUA
