SERE VOU-NODARU VEIVOSAKI-K3 FIJI FT VALENISAU

K3 FT VALENISAU-Na matasere rogolevu sara e na noda vanua, ka vuqa sara na nodratou katokatoni ko ni sa dau rogorogoca tiko e na nomuni sala ni kakaburaki na Viti Fm, na matasere ruarua oqo e rau lagata na sere vou oqo na “NODARU VEIVOSAKI” ,ka lewena tiko o Rupeni Tubuna Ligaqaqa, Abo Ranawai kei Que Lomavatu. E vola na sere vou oqo ko Que Lomavatu, ka katona na sere ko Wise Rogoyawa e na volau ni katokatoni na STR Studio.

NODARU VEIVOSAKI-Oqo na  i talanoa ni sere me baleta na nodrau veivosaki e dua na Cauravou kei na dua na Gone Yalewa ni Qamea mai Taveuni ,ka bucini sara kina e dua na waqa vou ni dodomo .Na qaqa ni sere sa vakayatuyatutaka sara tu ga na veika kece me baleta na nodrau veivosaki. E a bucini na veidomoni oqo e na siti kamikamica mai Lautoka, ka rau sa vakadeitaka dina talega kina e lomadrau me rau sa na katona vakadua na uto ni nodrau veidomoni, e na veigauna kece me rau dau sota , e dau mositi cauravou na i tovo nei Gone Yalewa ka dau vakamosia na Yalona e na gauna me rau sa dau lai veitalatala kina ni oti na nodrau dau sota tiko.

E gagadre voli nei Cauravou me na dei tu ga na nodrau veivosaki me vaka ni dau vakavuna nona moce vakaca e na veiyakavi, ka ni sa dau kauta voli na Gone Yalewa ni Qamea oqo na Yalona  kei na nona uto ni dodomo o Cauravou.E buli walega na sere oqo me i vakananumi ni nodrau veivosaki.

VITI FM:92.2/92.6/92.0 FM-E-KAMICA-QAI-KAJI

I VUREVURE:K3 FIJI FT VALENISAU