ME VAQAQACOTAKI NA VULI VEI IRA NA I TABAGONE ENA LOMA NI YASANA.
Written by Maria Solomone on April 6, 2024
Gone turaga na Tui Cakau-Ratu Naiqama Lalabalavu ena Bose ni yasana o Cakaudrove:photo-fiji govt.
E veivakananumi na Gone Turaga na Tui Cakau vei ira na turaga ni vanua kei na marama ena bose ni yasana o Cakaudrove,na bibi ni kena talanoataki vei ira na luveda na Vuli.
Era kaya tale, na bibi ni vuli ena rawa ni na vukea e dua na bula,se mani cakacaka cava e digitaka se na i tavi me qarava ena rawa ni dua na i yaragi me na rawa ni rawa kina na tiko vinaka.
photo:Ratu Naiqama Lalabalavu
Se mani cakacaka cava era digitaka noda i tabagone,dau teitei,dauqoli,se cakacaka vaka i talalatala se mani veiqaravi sara ena loma ni palimedi,na vuli vinaka ena rawa ni na vukea na nodra veiqaravi ena kena i tagede sara e cake.
Kaya tale o Rt.Naiqama me ra vakayaloqaqa taki ira na i tabagone me ra cakacaka vakaukauwa ena gauna ni vuli me rawa ni ra na cakacaka vinaka,vei ira na sucu turaga e vaka tale ga kina,me ra vuli vinaka me rawa ni vukea nodra cakacaka vaka veiliutaki vinaka.
Kei na dua tale ga na tikina era veivakananumi kina me baleti ira na i tabagone na nodra vakavulici vinaka ena bula vaka ai vakarau,kei na vei rokorokovi kei na veirogorogoci,me rawa ni valuti kina na basulawa.
Ivurevure :fijivillage.
