NI DAU TUKUTUKUNI TU NA DODOMO – CAKAU NI MANA KEI ULUINAVIRIVIRI
Written by Mika Qalobula on November 15, 2021
Na matasere na ‘CAKAU NI MANA KEI ULUINAVIRIVIRI’,e ratou cavutu mai na koro vakaturaga o Tawake mai Udu Poidi,ena tikina o Tawake,ena yasana o Cakaudrove,ka vuqa sara na sere ni veidomoni vakaciriloloma eratou dau lagata ka dau taratara sui dina.
E na veiliutaki maqosa nei Joseva Levu,e ratou lagata kina na sere’NI DAU TUKUNI TU NA DODOMO’,ka kedrau sere edua na cauravou ni Tailevu kei na dua na gone yalewa ni Vaturova mai Cakaudrove,ena vuku ni nodrau a sota mai Labasa ka rau bucina kina e dua na veikilai,ka mani titobu sara,ka rau mani veidomoni kaukauwa sara kina.
A mani qai yaco na gauna me ratou gole i vavalagi na vuvale nei cauravou,ka mani vakaraitaka vua o gone yalewa me rau sa na cava toka mada e kea me vaka ni rau sana veibiu vakabalavu sara,ia, a qai tukuna vua na cauravou ni Tailevu qo,ni na sega ni rawa ni vakasuka na nona dodomo ni sa rui domoni koya dina mai na vuni yalona taucoko.
Me vaka ni sa balavu toka na veibiu kei na tu veiyawaki,sa rogo lesu mai nai tukutuku vei yalewa ni sa laki vakawati o cauravou,ka sa dua na ka na mosi ni yalona.Oti vinaka e 7 vakacaca na yabaki,qai gade mai ki Viti o cauravou,qai mani rau sota vakacalaka kei gone yalewa ena koro turaga levu e Suva,a qai mani kerea tale na cauravou ni Tailevu qo vua na gone yalewa ni Vaturova qo ke rawa ni rau vakadua tale mada,ia a qai sauma ga yani o gone yalewa ka vaka,’ISA SANA SEGA NIKO SA VAKAWATI’.
Vakarorogo mai ena VITI FM 92.2FM,92FM kei na 92.6FM.
