Current track

Title

Artist

Background

VODO I CAMA – CAGI NI DELAI YATOVA.

Written by on November 16, 2021

CAGI NI DELAI YATOVA-Na matasere cavutu mai Yaveya,mai Vanua Balavu ,ka liutaka tiko o Ledua Cakacaka,ka vuqa na nodratou sere e dau taleitaki sara na kena dau rogoci ena VITIFM.

E dua na nodratou sere ka katoni ena yabaki oqo,na ‘VODO I CAMA’,ka vakamacalataki kina na cama ni waqa vaka viti kei na nona i tavi ni dau vakataucokotaka na soko ni ‘Qata’,(waqa levu),ka vakaibalebaletaki kina dua na veiwatini ka kena cama na yalewa, me vaka ni na vukea tiko na soko maravu ni nodrau vuvale.

‘RAICI E DIBI NA MALO’-e dua na i vosavosa vakaviti e vakayagataki tiko ena sere oqo,ka kena i balebale ni o keda na tagane e da tamata kaukauwa cake mai vei ira na marama,ka cavuti tale ga kina ‘IA AU LOKILOKI NO’,baleta ni vakacava sara na noda kaukauwa,e da na vakamalumalumutaki keda sara ka vakamenemene me da rawata kina na lomada vua e dua na gone yalewa.

‘LUKU E KOLO NI DADATUVU’- e vakayagataki tale tiko ga ena Chrous ni sere qo,ka kena i balebale ni o na soli vukivuki tiko ga vei gone yalewa me rawa ni malele mai vei iko .

Vakarorogo mai na VITIFM 92.2FM,92FM,92.6FM.


Reader's opinions

Leave a Reply

Your email address will not be published. Required fields are marked *