Dredre ni taqeya rawa na timi ni Queensland Reds na duidui mata ni meke e ratou matanataka toka ena loma ni rara rogo na Suncorp Stadium na noda goneyalewa timi ni Fijiana Drua ka ni bini kai e ratou cakava e laki tini sara me cibi ko Viti ena 27 kei 12. Qo naika 2 ni wavoki ni sotasota ni Buildcorp Super W. E 5 taucoko na sikoa rairai vinaka e ratou tabaka na Fijiana.
Dolava o Ivania Wong na nodratou rawa sikoa na Reds enaika 11 ni miniti ena nona lai vakota e laini ni sikoa. Sausaumi lesu mai na Fijiana ena nodrau yadua na sikoa o Doreen Narokete kei Vitalina Naikore, ratou liu kina ena 12 kei 5 enai matai ni veimama.
Vica tale na sikoa nei Drua ka ratou tabaka o Jade Coates kei Naikore qai tukia vinaka na kenai vako o Vika Matarugu ena nona yawaka na kai me 27 kei 5, ni vo ga e 20 na miniti ni qito. Saulaca laulau nei Rokouono e bau tosoya tale toka ga na kai kei Fijiana.
Ellie Draper tabaka tale e dua na sikoa kei Reds me cava kina na qito ka qaqa kina o Fijiana ena 27-12.
Queensland sa vakanamata ena macawa mai qo mena sotavi Brumbies ena GIO Stadium ena Vakaraubuka naika 18 ni Maji.
