DINA NI DRUKA NA DRUA IA E KAMICA DINA NODRATOU QITO

Era dau kaya eso nai vosavosa vakaoqo: Dina niu lusi ia sa mamau na yaloqu!

Ena via vaka-toka oqori nai vakarau ni yaloda nida sarava na talave cake ni nodratou qitoqito na noda toa ni vala na FIJIAN DRUA. E veitasiriyaki dina na laca drua ena loma ni rara levu na suncorp stadium ena bogi. Vakarisiyate toka na nodratou a liu voli na Reds enai matai ni veimama ena kai 15 kei 6.

Ni laki veimama na qito me vakacagau yani, ratou qai tuvai valu na noda drua ka ratou binia veitaravi kina e rua na sikoa mai vei Onisi kei Tamani ka rau mai drowa sara toka ena 28 kei 28. Mua sara tu ga ni taimi me cava na qito qai vakota tale e dua na sikoa o Reds me qoqona kina na qaqa ena bogi ena kai 33 kei 28. Dina ni mai druka na drua ia e da mamau vinaka ena sarava nodratou qitoqito.

PC: Fijian Drua