Na matasere na Cagi Ni Delai Yatova ka liutaka tiko o Ledua Cakacaka e vakasakiti sara tiko na veisere vovou eso ka ratou katona tiko ena gauna oqo.Edua na sere vou ka taleitaki sara tiko ena gauna oqo sai koya na sere: ‘NOQU URA BUTA ‘.

Na sere qo e baleta edua na Marama ni Naweni mai Savusavu Cakaudrove ka a vuli tu ena koronivul na Ballentine Memorial School ena 1982,kei na dua na Cauravou ni Kadavu ,ka Head Boy tu ena Koronivuli mai Ratu Kadavulevu School ena yabaki vata oya.

E rau a dau sota vakawasoma ena Social ni koronivuli kei na so tale na sotasota ni korovuli kei na gauna ni sereki,ka rau dau veisemati ga ena i vola me vaka ni se bera sara na kena vakayagataki na monalivaliva me vaka eda sa vakayagataka tu nikua.

E na dua na siga e a qai mani toboka o rau nai tubutubu nei  goneyalewa nai vola mai Ratu Kadavulevu School,ka sa dua na ka na nodrau rarawa , sa mani nanumi me sa vakau lesu tale ki nakoro i Naweni o goneyalewa,ka sa mai cavuka talega i kea na nodrau veitaratara kei cauravou.

Ni oti e vica vata na yabaki, rau sa dui vakavuvale ruarua,ka rau sa qai mai sota tu ena monalivaliva,ka sa dua na ka na nodrau veimarautaki ka mani rau veiwasei taka na veidredre ni bula vakavuvale rau dui lako curuma tiko. Sa qai rau qai mai kila ni rau waqa vata ruarua tiko ena gauna vata saraga oya ka  rau sa tuvatuva ka taka ke rawa ni rau veilesuvi tale, ka me tomani tale kina na veidomoni ena gauna ni vuli.