UKRAINE KEI RUSIA

Sa oti vinaka oqo e dua na vula na nona kaba vakaivalu na matanitu ko Russia ena matanitu tu galala ko Ukraine. Era dei tu ga na mataivalu ni Ukraine ka wili kina o ira na kena lewe ni vanua ena nodra taqomaka voli na nodra vanua.

Sa tomani tale tikoga na veitalanoa ena kedrau maliwa na matanitu e rua ena kena sagai me laurai e dua nai wali ni leqa oqo.Tauri talega ena itukutuku tabaki ni sa ra tekivu vakasuka tiko na mataivalu ni Rusia ena gauna oqo , ia e kaya na matanitu ko Amerika me ra kakua ni vakacalai ena i tovo ni veitalanoa e vakayacora tiko na matanitu ko Rusia.

Vakaraitaka na peresitedi – Volodymyr Zelenskyy ni ratou mai mate e 7 , ena kena vakalutu gasaukuro taki e dua na vale ni matanitu ena ceva kei Mykolayiv.

Sa yaco talega yani ki Ukraine na iluliu ni United Nations’ nuclear watchdog [dau raica na veika vaka niukilia] , ena kena laurai me taucoko tu na veitabana ka vakayagataki kina na kaukauwa vaka niukilia e Ukraine.