TOMANI TIKOGA NA VOLA YACATAKI NI LEWENIVANUA

Vakaraitaka na Supervisor ni veidigidigi o Mohammed Saneem ni dina ni sa mai cava tiko na nodratou porokaramu ni Nationwide Voter Registration Drive, ia, ena dola tikoga na nodratou veivalenivolavola ni veidigidigi ka tiko ena veitaoni keina siti, kana qai sogo tiko na nodra vola-yaca taki na lewenivanua me baleta na veidigidigi ena gauna esa soli kina na Writ of Election.

Tukuna o Saneem ni ratou na tomana tikoga na nodratou vakarautaka tiko na veiqaravi vei ira na lewenivanua mera na rawa ni biuta na nodra digidigi ena veidigidigi levu ni yabaki oqo.

Mai cava tiko ena siga enanoa nodratou porokaramu ni Nationwide Voter Registration Drive keina Know Your Election campaign me baleta na veidigidigi ni yabaki oqo, ka ratou qarava rawa e 200,899 na lewenivanua, kara vola yaca vou e 19,879.