PACIFICAUS SPORTS NATIONAL YOUTH CHAMPIONSHIP
Written by Atu Kurumudu on April 19, 2022
Rau na cakacaka vata nai soqosoqo levu ni Netball Fiji kei na VITIFM ena kena qaravi na sotasota vakarautaki ni PacificAus Sports National Youth Championship ena Vakaraubuka ga oqo na-i-ka 22 ni Evereli kei na Vakarauwai ena Vodafone Arena. E kaya na CEO ni Netball Fiji o Vivian Koster ni naki levu ni sotasota oqo me rawa ni yavutaki kina na kena digitaki ni timi ni U21 ni Viti kei ira mera namaki mera na vakarautaki yani ena timi levu ni Fiji Pearls.
Ena 10 taucoko tiko na levu ni timi ni tabagone era na vakaitavi me vaka na timi ni Suva, Nasinu, Nadi, Nadroga, Lautoka ka dua na timi ni Fiji Sec Schools.
Tekivu na qito ena 11 na kaloko ena mataka ni Vakaraubuka ka da sa sureti meda laki tokona yani na qito netball nodra na luveda itabagone
