MICROCHIPPED ENA MOUTHGUARD VEI IRA NA MARAMA – WOMEN RUGBY WORLD CUP’S
Written by Demesi Kakaya on July 14, 2022
Vakadeitaki vei ira na marama , ka ra na vakaitavi tiko ena sotasota ni vuravura ena qito rakavi tinikalima mera na vakayagataka na mouthguard ka tiko e loma na microchipped me rawa ni vakarautaka na kaukauwa ni veicumu vakabibi ena gauna e dau saqa kina na qaqavokavoka ena gauna ni qito.Na i naki microchipped me vakarautaka ka vakatakila na kaukauwa ni coqa se veisaqa ni qavokavoka ena gauna ni qito.
E sa mai sainitaka na World Rugby na veidinadinati kei iratou na developer Prevent Biometrics me ratou vakarautaka na mouthguards, ka sa ratou sa vakatovotovotaka oti vua na mata timi ni Igiladi.
Namaki me ra vakayagataka kece na 12 na timi na mouthguard qo ena siga ni sotasota ka na vakayacori e Ositerelia kei Niusiladi ena i ka 8 ni Okotova kina i ka 12 ni Noveba. Na vuna levu na kena biu na veika oqo ena nodra sagai mera taqomaki na dauqito ka vakabibi ena vuku ni mavoa ka dau yaco ena nodra qavokavoka
E ratou vakaraitaka na Professional Rugby Injury Surveillance Project and Women’s Rugby Injury Surveillance Project ni vakatautauvatataki ena dua na vakadidike e laurai mai na yabaki 2020 kina 2021 ni 28% na mavoa vei ira na turaga ka 26% vei ira na marama.
SOURCE : BBC NEWS
