SERE VOU – KAIVESU NI DODOMO – IRIBULI SERAU E LOMAI VIWA
Written by Mika Qalobula on November 25, 2022
‘IRIBULI SERAU E LOMAI VIWA’-Na matasere ka cavutu mai na koro vakaturaga o Delaidamanu mai Naitasiri,ka liutaka tiko o Malakai Nairabo aka Tamai Ju.
‘KAIVESU NI DODOMO’ – Oqo nai talanoa ni nodrau a veikilai e dua na cauravou ni Naitasiri kei na dua na gone yalewa ni Tailevu ni Siga,ka rau a veivosaki tu mai me 3 na yabaki ena gauna e rau se vuli mai kina.
Sa dua na ka na nodrau veimosimositi kei na veivakamenemenei,ena kena kadre cake na veidomoni mosimosi oqo,ka sa tomani sara tiko na nodrau dui bula me vaka ni sa laki cakacaka sara e na dua na Tabana ni Matanitu o cauravou,ka se vuli torocake voli o gone yalewa e koro turaga levu e Suva.
E yaco na gauna me sa laki taura o cauravou nai lesilesi me sa laki veiqaravi e na yasayasa vaka Ra,ka sa dua na ka na nona dau nanumi gone yalewa,me vaka ni rau sa tu veiyawaki,ia,ni yaco me rau dau sota,e rau sa dau veivakayaloqaqataki ena vuku ni nodrau veidinadinati.
Sa qai dua na siga ni rau mai sota ni oti e dua na gauna balavu,rau veitalanoa ka rau veimarautaki,ka qai kerea o goneyalewa vei cauravou,me qai ratou mai duguci koya ni sa vakacavara oti na nona vuli,ka qai tukuna o cauravou ‘ENA WAWA TU ME YACOVA NA GAUNA YALATAKI ME TAURI VOLA KINA O VUNI MARAMA…’,ka sa dua na ka na nona marau o goneyalewa.
Ena nonai lakolako lesu tiko ga nei Cauravou qo ena nona lesu tale ki yasayasa vaka Ra,ni oji ga e tolu na siga ,sa takoso o mate,kacivi na nona bula,ka mai yalana vakadua kina na veikilai mosimosi qo,ia,ena loma ni mosi kei na galili oya,qai nanuma kina na gone yalewa qo me volai edua na sere ka me dau vakananumi tu ni nodrau veidomoni.
VITIFM,92.2FM,92FM,92.6FM.
VITIFM – E KAMICA QAI KACHI!!!
SOURCE – Malakai Nairabo (Tamai Ju)
