LEWENA O YOUNIS BESE NA TIMI NI FIJIANA 7S.
Written by Rosena Volavola on November 25, 2022
E marautaka sara vakalevu na goneyalewa qo, o Younis Bese nona mai lewena na noda mata timi ni goneyalewa na Fiji Airways Fijiana 7s , dua talega e a winitaka mai na varasa ena qito ni Tokyo Olympic ena yabaki sa oti, ka ratou na qito vata tiko kei iratou na noda goneyalewa tale e so , ena nodra vakavakarau yani ena vuku ni sotasota ni Dubai 7s ena vula mai oqo.
O Younis Bese , ka dau kilai tale tu ga ena dau cici ena noda vanua , e dua vei ratou na lewe 3 na dau qito mai na Rooster Chicken Fijiana 7s , kei na sotasota ni fainala ena qito ena vuravura ena yabaki qo.
E tomana ka kaya , ni dua na ka na nona sega ni taqeya rawa na nona marau , ka luluvu talega ena nona mai rogoca na yacana ni dua vei ira na lako e na i golegole ki Sauca Aferika, ka sa tu vakarau e na dua na i tosotoso vou vua.
Ia e vakaraitaka talega o koya , ni dua na i bolebole levu vua, ena nona sa mai lewena na timi ni 7s , ka sa vakanuinui vinaka tale tu ga ena rua na sotasota ena vula mai oqo.
Na noda timi ni Fijiana ena tobu vata tiko kei na timi ni Ireland, Spain kei na timi ni Japani , ia na sotasota ni Dubai 7s ena vakayacori tiko ena siga Vakaraubuka ki na Sigatabu ena macawa mai oqo.
VITIFM 92.FM/92.2FM/92.6FM
E KAMICA QAI KACHI!!!
SOURCE: fijivillage.
Reader's opinions
Continue reading
