Basika na yacai Vern Cotter me laki liutaka na kalavo ni rakavi na Leicester Tigers.
Ena macawa ga sa oti a mai solia kina na nona ivola ni vakacegu ena itutu ni coach ni timi ni Viti o Cotter ni vo toka ga e 7 vinaka na vula ni bera ni tekivu na World Cup mai Varanise.
Sa na qai via matata na nona a biubiu , ni basika mai na yacana ena itutu ni head coach ni Tigers. A taura tu e liu na itutu oya ko Steve Borthwick ka sa biubiu kei na kena defence coach ko Kevin Sinfield me rau laki veivuke ena kena vakarautaki na timi ni Igiladi ni oti na nona a mai vakasakei o Eddie Jones.
Ena dua na i tukutuku ka tabaki ena The Telegraph , e volai kina ni rau na veiqati taka tiko nai tutu oya o Michael Cheika na coach ni Argentina kei Cotter.
Cotter a coach tu ni ni Bay of Plenty ka ivukevuke talega ni coach ni Crusaders ena dua na gauna.
source:stuff.co.nz
