BEITAKI EDUA NA GONEYALEWA YABAKI 18 ENA NONA SOLI TUKUTUKU LASUTAKI KIVEI IRA NA OVISA.
Written by Maikeli Radua on October 26, 2022
Image: Shamilly Precious Liganivai.
Sa mai beitaki tiko na goneyalewa yabaki 18 mai Matawalu Lautoka, ena solia edua na i tukutuku lasutaki kivei ira na ovisa.
Tukuni ena kena i talanoa ni a lasutaka o goneyalewa qo ni a vesu mai vei ira eso na i lala tagane, vakavodoki vakaukauwa ena dua na lori, ka kau yani ena dua na vale lala.
Sa qai mai kilai e muri ni lasutaki na i tukutuku kece qori.Na i tukutuku ka dina erau a gole ki valenidanisi ena yakavi ya o goneyalewa kei na dua na cauravou yabaki 19 rau a laki danisi ka gunu, sa suka na danisi sa rere o goneyalewa na gole i nodratou ni sa vodoki koya tu edua na tamani mateni levu…ka mani kerei cauravou me rau sa lai moce vata ga i nodratou vale ka me qai gole ki vale ena mataka ni siga ka tarava.
Eratou kurabui na vuvale nei cauravou ni ratou sa wilika tale ena i volamata ena siga ka tarava na i talanoa lasutaki nei goneyalewa ni a vesu vakaukauwa mai vei ratou e lewe vica na tagane,vakavodoki ena dua na lori, ka kau kina dua na vale lala.
Ratou sa qai vakadeitaka na vuvale nei cauravou yabaki 19 ni a moce e nodratou vale o goneyalewa oti na gunu ti ena mataka ni siga ka tarava rauta na 7:00am sa qai gole ki nodratou vale o goneyalewa.
Sa na rairai tiko kina Lautoka Magistrate Court o goneyalewa qo ena cala ni nona soli tukutuku lasu kivei ira na ovisa.
Kena i tukutuku matata vakarorogo tikoga mai ena Vitifm 92.2FM/92.6FM/92.0FM
