Bibi na kauwai e kau cake tiko mai me baleta na taqomaki ni lewenivanua e Suva ena veibogi.
Written by Meliki Kuila on August 6, 2022
Bibi na kauwai e kau cake tiko mai me baleta nodra taqomakai na lewenivanua era dau gole ena veivaleni danisi eso se ra dau cawiri voliga ena loma ni tauni levu e Suva, oqo ni oti na kena saravi edua na yaloyalo ni vei buturaki ka yaco mai na Victoria Parade ena vula sa oti.
Na i yaloyalo ka cawairi taki oqo, e laurai ni dua e davo tu e gaunisala, tautuba kei Traps Bar ka sega tu ni vakilai koya, ia e dua tale qai laurai ni vakatabaka tiko na nona taga.
Ena yaloyalo vata tikoga oya, dua nai wasewase ni tabagone e laurai ni ra buturaka tale tikoga edua na tabagone.
Keitou sa kauta cake na leqa vei ratou na tabana ni ovisa ka vakaraitaka na veika e yaco, ka vakadeitaka na kauwai me kua ni vakayacori tale na veika vaka oqo, ka vakabibitaki na nodra Taqomaki na lewenivanua ena veibogi.
Keitou vakataroga me baleta na CCTV camera ka ra sema tu ena noda vei tauni ki vei ratou na Tabana ni ovisa e Totogo, ke rawa ni laurai kina o ira na vakaitavi ena yaloyalo ka cawiri tiko.
Sega ni dua na rivote e tauri rawa vei ratou na ovisa me baleta na leqa oqo.
Vakaraitaka na Police Chief Operations Officer, ACP Abdul Khan ni ratou a sega ni qiriti yani ena vuku veika e mai yaco, ia e tiko na timi ka qarava vakatabakidua na vei leqa vaka oqo.
Tomana o Khan ka tukuna ni leqa vaka oqo ena sega ni tauri vaka mamada, ia kevaka e dua na rivote e tauri rawa, e ratou na cakacaka matua sara kina, ia ke so era oka era sa na tauri vaka lawa .
Source: fijivillage,national geographic
Vakarorogo tiko mai ena Vitifm 92.2F/92.6/92 FM
