Mate e 14 ena kama ni vale ni danisi mai Thailand.
Written by Atu Kurumudu on August 6, 2022
Ratou mate e 14 ka mavoa e 40 ena gauna e kama kina e dua na vale ni danisi mai na yasana o Chonburi ena Ceva -i Ra kei Thailand.
Vakaraitaka na tabana ni ovisa ni a tekivu na kama ena 1 na kaloko ena mataka caca ni Vakaraubuka. Tukuni talega nira kaikaila mai tuba o ira na dro bula mai , ka so e kama tu mai na nodra i sulu.
Levu vei ira na mate oqo e laurai nira davo matemate koto e mata ni katuba kei na loma ni valenisili.
Rua taucoko na auwa na nodra saga na dau bokobuka mera bokoca na kama. E tukuna e dua na marama tina ka mai leqa na luvena ena kama oqo , ni a tekivu na kama ena gauna saraga e cabolo tu kina na lagalaga sere – ‘live band’.
Se bera ni kilai se a tekivu vakacava na kama.
source:bbc
