Caqera o Fury vei Usyk.

E sega tale ni dua e rau lewe-rua kaya ni oti na veivacu e Saudi Arabia ena nona mai tucake tuadua tu na cauravou ni Ukraine oqo ko Oleksandr Usyk ena veta i cake ni itutu me jabeni ni 4 na beleti ena ivakatagedegede ni heavyweight ena noda vuravura.

Ena loma ni rigi ena nodrau saga na dauveivacu e rua se o cei ena toqai na yacana , e laurai ni sakure na yagoi Fury ena gauna e coba donu kina nai vacu nei Usyk ka vuna me laki tataivatia kina ka vukei koya ga na dali ena i-ka 9 ni wavoki.

Ena nodrau mai waraka tu na kena kacivaki na poidi , a nuidei tu o Fury nina nona tale na qaqa ni bera ni mai tuturu yani na wai ni matai Usyk ni kacivaki na yacana ni mai qaqa.

E vaka toka oqo na veika ratou mai solia na dau ni vakatulewa – 115-112 and 114-113 for the Ukrainian, with a third judge scoring it 114-113 to Fury.

Oqo e se qai i-matai ni gauna me druka kina o Fury yabaki 35, ena loma ni 16 na yabaki ni nona veivacu kana soli talega vua na galala me rau na sota tale kei Usyk ena rematch ena mua ni yabaki oqo.

Ena nona rawata oqo o Usyk na beleti ni WBC mai vei Fury , sa maroroa kece kina na beleti ni WBA,WBO kei na IBF.

Sa oti vinaka oqo e 25 na yabaki me qai basika tale e dua na cauravou dau veivacu vakataki Usyk me jabeni dina ena ivakatagedegede ni heavyweight ni qoqona kece tu na kena beleti.

E vaka toka oqo na veika e kaya o Usyk – “Thank you so much to my team. It’s a big opportunity for my family, for me, for my country. It’s a great time, it’s a great day,”.

Sa tu vakarau talega na turaga oqo ena nodrau rematch.

Source:bbc