CAVU I SAUSAU O MGM
Written by Mika Qalobula on August 19, 2022
E mai cavu i sausau nikua na koronivuli na Mahatma Ghandi Memorial School ,ena nodratou mai rawata ruarua na metali koula vei ira na Senior boys kei ira na senior girls,ena veitau cici ni dua na drau na mita(100 meters) ena yakavi nikua ,ka vakayacori ena HFC BANK STADIUM,ena ni sotasota ni Coca Cola Games,2022.
O Waisale Inoke kei Kesaia Boletanakadavu,e rau mai veivakakurabuitaki ena yakavi nikua ena nodrau mai rawata na koula ni 100 na mita,ka levu era sega ni vakabauta me vaka ni ra a nanamaki me na rawata na nodra koronivuli na Blue Ribbon.
E vakaraitaka o Inoke ni sega ni namaka me na mai rawa na Blue Ribbon ka vota na nona qaqa nikua ki vei ira na dau ni veitokoni ni nona koronivuli na MGM,ka sa tu na nona i tuvatuva me na matataki Viti ena vaitau cici.
Ia,o Kesaia Boletanakadavu ni sega so ni rawarawa na nodrau vakavakarau,baleta ni dau kilai tu ga o MGM,ena vuku ni veika vakavuli,ka sega soti ena qito,ka vakavinavikataka kina na Kalou levu ena nona veivuke ki vei rau,ka vakatalega o ira na dau ni veitokoni.
Vakarorogo mai ena VITIFM 92.2FM,92FM kei na 92.6FM.
VITIFM – E KAMICA QAI KACHI!!!!
SOURCE – FIJI VILLAGE.
