CAVURAKI E SIVIA 12,000 NA VUNI MARUWANA MAI KADAVU
Written by Mika Qalobula on June 12, 2023
E cavuraki e sivia e 12,000 na vuni Maruwana mai Kadavu ena macawa sa oti,oqo ni oti na nodratou cakacaka vata na timi ni Ovisa mai Ceva.
E 9000 na vuna e a cavuraki mai na koro o Gasele kei Rakiraki,ni bera ni ratou takosava mai e dua nai teitei ka cavuraki tale kina e sivia ni 3000 na vuna.
Na 3000 na vuna oqo,e vakabauti ni ratou taukena e lewe 4 na cauravou ka ratou sa tauri talega mai vakavesu,ka ratou na rairai ena mataveilewai e Suva nikua.
Sa veivakadetaki na Tabana ni ovisa ni vakabauti ni ratou a keba tiko mai veikau na lewe 4 oqo ena 3 na vula sa oti,ena kena teivaki tiko na Maruwana.
0 iratou na lewe 4 oqo,e ratou sa beitaki tiko ena ya 1 na cala ni kena teivaki tiko na waigaga ni veivakamatenitaki.
VITIFM 92.2FM/92FM/92.6FM – E KAMICA QAI KACHI!!!!
I VUREVURE – FIJI VILLAGE.
