CIQOMI NODRATOU I TATAU NA TIMI NI RAKAVI NI NODA VANUA-UNDER 18.
Written by Maria Solomone on September 28, 2022
Turaga Peresitedi-Ratu Wiliame Katonivere.pc-fijigovernment.
Era mai ciqoma ena mataka ni kua na Peresitedi ni noda vanua,Ratu Wiliame Katonivere na nodra i tatau na gonevuli,ni bera ni ra na gole tiko ena sotasota mai Niusiladi.
E vosa vei ira na cauravou na turaga Peresitedi ka ra vakasavuya tale ga na nodra vakanuinui vinaka vei iratou na cauravou ena vuku ni tavi sa ratou vakacolati kina,ka me ratou na laki qarava sara vakavinaka.Na sotasota ni New Zealand Rugby Schoolboys Tournament ena vakayacori tiko ena vula mai qo.
Era lewe 27 taucoko na gonevuli ka tiko nodra yabaki ni bula ena 18 ka lako cake ka ra na lai vaka i tavi tiko ena sotasota ni rakavi mai Niusiladi.
E namaki me ratou na biuta tiko noda vanua ena i ka 3 ni siga ni vula mai qo,ka na sota kei na timi ni Wellington Hurricanes ena i ka 4 ni siga,tarava na timi ni NZ Babarians ena i ka 11,kei na NZ Schools ena i ka 15 ni siga.
source:fijigovernment
Vakarorogo tiko ga mai ena Vitifm 92fm,92.2fm,92.6fm
