DEI TIKOGA NA I VAKARO NI DRAKI SUASUA ENA NODA VANUA

E se dei tikoga nai vakaro ni draki suasua ena Colo kei na Mua-ira ni noda vanua,e Viti Levu,Korolevu,Sigatoka,Nadi,Lautoka,Ba,Tavua,Rakiraki.Vatulele,Kadavu,Yasawa,na Yatu Mamanuca kei na Yatu Lau.

Qo e vu mai ena dua na draki suasua,e toso vakamalua sara tiko mai kina mua-ira ni noda vanua,ka namaki me na taubi tiko na uca,ka laki yacova sara tiko yani na siga Vakarauwai.

Sa soli tiko kina nai vakaro ni waluvu vei kemuni na vakaitikotiko ena veivanua buca,ka vaka kina vei kemuni na takosova tiko nai kawakawa ena koro o Tuva,gole vaka ki Emuri,me yaco kina koro o Semo,kawakawa e Nadi kei na kawakawa e Vitogo.

Se dei tikoga nai vakaro ni waluvu ena veivanua buca,ena colo kei na mua-ira ni noda vanua,ka sa kerei na nomuni qaqaruni na lewenivanua,ena vuku ni draki suasua e donumaki keda tiko ena gauna oqo.

Vakarorogo mai ena VITIFM 92.2FM,92.6FM kei na 92FM.

VITIFM-E KAMICA QAI KACHII.

Source-FijiVillage.