Current track

Title

Artist

Background

Dolavi nodra Vale ni Kana vou na gonevuli e Ballantine Memorial School

Written by on February 5, 2023

E mai dolavi ena siga vakarauwai na nodra valeni kana vou na gonevuli ni Ballantine Memorial School ka kenai sau vakailavo e rauta tiko na $40,000.

E mai vakaraitaka tiko nai liuliu ni koronivuli (Principal) Sisilia Racule, ni rauta tiko e $27,000 nai lavo ni veivuke ka ratou solia na Tabana ni Vuli, kei na kena vo ni lavo e rawa mai na basa e vakayacora na

koronivuli.

E kuria o Racule, ena vuku ni nodratou cakacaka vata kei na nodratou veitauriliga taka vata nai soqosoqo ni vuli oti kei ira na vei mata kece sara ni veitokoni eso, rawa kina me ratou vakarautaka na vale ni kana vou oqo vei ira na gonevuli.

Tomana o Racule, ni kuria tale tikoga na nodratou marautaka tiko na koronivuli na veika e sa mai rawati ena vuku ni veitarogi lelevu e rua oqo na fomu 6 kei na 7, ka toso cake sara nai wiliwili ni gone era mai rawata tiko. Na fomu 7 e 96% kei na fomu 6 e 86% nai wiliwili.

E tukuna ni oqo e sai vakaraitaki vinaka ni nodra gugumatua kei na cakacaka vakaukaua ni qasenivuli kece sara e BMS.

E vakaraitaka talega na Peresitedi ni soqosoqo ni vuli oti ena koronivuli, ni marautaka na veika esa mai rawati ka vakavinavinakataka na nodra lomasoli nai soqosoqo kei na nodra veimatavuvale yadua sara ena vuku ni dodoliga, vaka kina vei ira kece sara na veitabana ni veitokoni era veivuke kina.


Reader's opinions

Leave a Reply

Your email address will not be published. Required fields are marked *