E RAWA SE SEGA
Written by Rosena Volavola on August 17, 2022
E sivia ni rauta e 3,000 na gonevuli era sa tu vakarau mera na vakaitavi ena qito levu ni Coca-Cola Games ena siga ni mataka, ka ra sa tu vakarau talega na goneyalewa mai na ruku ni Veidakua mai na Adi Cakobau School, mera na taqomaka tale nai ulu ni cocovi vei ira na goneyalewa, ka tukuna na kena dauniveivakatavulici o Antonia Raboiliku, nira sa vakanamata kece tu yani ena siga ni mataka.
Sa ratou tu vakarau talega na cauravou mai Delainakaikai me ratou taura tale nai ulu ni cocovi vei ira na cauravou, ka sa vakaraitaka talega na kavetani ni Timi ni Lodoni o Vilikesa Vonolagi, ni ratou sa vakavakarau talega vakavinaka na cauravou ena vuku ni sotasota ni qito levu oqo.
E sa vakaraitaka talega na Vunivola ni Soqosoqo ni veitaucici ena Secondary School o Vuli Waqa, ni sa na tekivu tiko na qito ena 8 na kaloko ena siga ni mataka, ka kuria talega ni gadreva me oti totolo na qito me baleta na nodra vakasukai vakatotolo ki vale na gone. Ia sa tu vakarau talega na Tabana ni Ovisa ena kena yadravi na tikina oya..
Na sotasota ni qito ena Coca- Cola Games e sa na tekvu taki sara tikoga ena siga ni mataka.
Vakarorogo tikoga mai ena VITIFM 92.FM/ 92.2FM/92.6FM
E KAMICA QAI KACHI!!!!!
SOURCE: FIJIVILLAGE
