‘E SEGA NI DUA NA KA E DREDRE ‘ – LAGANI ROKOWAQA.
Written by Mika Qalobula on November 22, 2023
‘E sega ni dua na ka e dredre‘ – Oqori na nona i vosa o Lagani Rokowaqa,na cauravou ni Momi mai Tailevu,ena nona qarava toka na nona i voli ena kena mai volitaki tiko na Bu mai nona koro ena Waimanu rd,e Suva.
E vakaraitaka o Lagani ni dau kauta tiko mai e 50 – 60 na Bu ena nona dau mai volitaki Bu,ka volitaka tiko ena $1 kei na $2 dua na Bu,ka rawa ni rawata kina e sivia e $100 ena dua na siga.
Na cakacaka oqo e ke lailai sara nai lavo e rawata,e rawa ni $60 sara na dola dua na siga,ka dau rawata tiko e $200 – $300,ena dua na macawa.
E vevakauqeti tiko o Lagani vei keda ni rawa ni da rawata na veika vinaka kevaka e tiko vei keda na yalo ni vosota,ka meda kua ni dau sorosoro,ka me da dau cakacaka tiko ga vakaukauwa.
Na vuna levu e digitaka kina o Lagani me volitaki Bu,baleta me veivuke kina nona vuvale,kei na veika e gadreva na veisiga,ka raica talega ni nona volitaki Bu,e rawata kina o koya nai lavo vinaka,ni ena 3 ga na siga,e rawata kina nai lavo ni veisaumi ni 1 na macawa.
VITIFM 92.2FM/92FM/92.6FM/92.4FM – E KAMICA QAI KACHI
Reader's opinions
Continue reading
