E SIVIA NI 4,000 NA VUNIKAU KA VAKABAUTI NI MARIWANA.
Written by Demesi Kakaya on February 12, 2023
E sivia ni 4,000 na vuni kau ka vakabauti ni Mariwana e laurai ena iteitei ena koro o Qaranivai, Dogotuki e Vanua Levu, ena nodratou cakacaka vata na Ovisa e Labasa kei na tabana ni Criminal Intelligence Unit.
E vakaraitaka na Vukevuke Vakatawa ni Komisina ni Ovisa o Livai Driu ni a vesu e dua na cauravou yabaki 23 ena koro o Vusavio e Dogotuki ena siga Vakaraubuka, ka laurai e rauta ni sivia e 4,590 na vunikau vakabauti ni mariwana ka sa tauri vaka vesu.
[Photo: Fiji Police Facebook]
Tukuna o Driu ni vuqa tale na lewenivanua era tauri vakavesu ena wasewase na Vualiku ena macawa sa oti, ena vuku ni waigaga ni vei-vakamatenitaki.
Kuria o Driu ni ratou na tomana tiko ga na nodratou veiqaravi ena Vualiku na ovisa ena kena laurai o ira era vakaitavitaki ira tiko ena cakacaka oqo.
Sema tiokoga mai na VITIFM 92.2/92/92.6 FM
