Ena rairai calata na sota kei Viti ko Taniela Tupou.
Written by Atu Kurumudu on September 15, 2023
Ena rairai calata tiko na sota kei Viti na duru ni Wallabies ko Taniela Tupou. E tukuni ga ni a sega tiko ni tereni vata kei ratou na vo ni timi o Tupou. E se bera tale tikoga ni digitaka o Eddie Jones se o cei na cauravou ena tokara na siqileti naba 15 – Donaldson se ko Andrew Kellaway.
Ena nodratou imatai talega ni qito ena macawa sa oti , a toka ena itutu ni N0.12 ko Samu Kerevi ka se qai lesu tale tikoga mai na mavoa.
Kevaka mena qaqa vei Viti na timi ni Wallabies , e ratou sana rawa ni vakadeitaki ratou kina idabedabe ni kota fainala.
E tukuni nina sega sara ni levu na veisau ena vakayacora o Jones ena timi ka vakarautaki mena sota kei Viti , ia , e mosi tikoga na uluna na qase oqo se o cei mena toka ena itutu ni fullback.
source:stuff.co
