Current track

Title

Artist

Background

Era mate e sivia ni 2,000 na lewenivanua e Turkey kei Syria ena uneune kaukauwa.

Written by on February 7, 2023

Tekivu na cakacaka levu ni vaqaqara kei na veivueti ena Ceva I Cake kei Turkey kei na Vualiku kei Syria ni oti na vakacaca levu ni uneune kara mai mate kina e sivia ni 2,300 na lewenivanua.

Tukuni ni kaukauwa ni uneune oqo e toka sara ena 7.8 na magnitude ka yaco voleka e Gaziantep ena mataka caca ni Moniti ena gauna era se moce tu kina.

E vakaraitaka na tabana ni leqa tubukoso nira mate e 1,500 e Turkey kara mavoa e 5.300.

Era sasaga na dau ni veivueti mera vagalala taki ira na tao tu kei ira se bulu tu ena veivale kara mai vakacacani. Sa kere veivuke raraba na matanitu ko Turkey ki vuravura taucoko ena leqa ka tara tiko na matanitu ena gauna oqo.

E tukuni ni vakilai na uneune kaukauwa oqo e Turkey,Syria,Lepanoni,Cyprus kei Isireli.

 


Reader's opinions

Leave a Reply

Your email address will not be published. Required fields are marked *