GADREVA ME VAKARABAILEVUTAKA NA NONA BISINISI NI VOLITAKI QUWAWA O EPI TABUALEVU
Written by Mika Qalobula on February 17, 2024
E dua na i talanoa ni veivakauqeti ni vakaduri bisinisi, oya na i talanoa me baleta na turaga yabaki 35, o Epi Tabualevu, e na nona sasagataka me dua na nona bisinisi ni volitaki quwawa. E vica na gauna e dau taubaletaka mai na nona I voli me mai volitaki e na makete, ka sega vakadua ni bau vuturi se maduataka na veika e cakava. Ia, e na gauna oqo, e sa mai saumi na nona gugumatua kei na cakacaka va-kaukauwa, ka ni sa mai dolava rawa o koya e dua na nona bisinisi, ka vakatokai tiko na Epi Pearl Guava Farm, ka tiko mai Tailevu.
E vakaraitaka o Tabualevu ni nona tatadra oya me dau I vurevure ni veivuke ki vei ira eso tale, ka sa mai rawata oqo o koya na nona tatadra, ka sa raica tale tikoga na kena vakarabailevutaki na nona bisinisi me rawa ni goleva yani na veivoli ki valagi.
https://www.fijivillage.com/news/-Tabualevu-thrives-in-guava-business-xf84r5/
VITI FM:92.2/92.0/92.6 FM-E-KAMICA-QAI-KAJI.
I VUREVURE:FIJI VILLAGE
