Gole tiko na midigi vei Dalton Papali’i ena itutu ni naba 7 ni All Blacks.

Na siqileti No 7 ni All Blacks erau tokara tikoga e rua na cauravou ena loma ni 20 na yabaki sa oti.

Richie McCaw na yaca ka vakadeitakai koya ena jersey oqo ena loma ni 13 na yabaki me tekivu mai na 2002 , vuna me laki yacova sara na 148 na nona valataki vanua ka liutaka voli kina na timi ni Niusiladi ena 2 na Rugby World Cup ka ratou a qaqa talega kina.

Ni oti na nona vakaraitaki koya ena itutu ni N0 7 o Sam Cane , sa qai cabeta nai dabedabe ni veiliutaki ena loma ni timi ni All Blacks ka 95 kina na nona valataki vanua ka kavetani vaka 27.

Blues loose forward Dalton Papali’i e rawa ni taukena na jersey N0 7 ni All Blacks.
JOE ALLISON / GETTY IMAGES

Kevaka ena lesu tale mai o Cane se sega , ena qai tukua ga ko gauna ni a sa mai kacivaka na nona sa saini me laki qito ki Japani ena loma ni 3 na season.

Dina nina dola tu na katuba vei Cane kevaka ena via mai tokara tale na jersey loaloa , ia ena qai vakatau vei Scott Robertson ena nona tekivu biuta vata tiko yani oqo na nona timi kina World Cup ka tarava ena 2027.

Ia , na yaca ka vuqa era vakanananu tiko kina ena gauna oqo sai Dalton Papali’i. Na cauravou oqo e dau sosomitaki Cane voli mai ena 6 na yabaki sa oti. Sa 32 oti na nona valataki vanua ka 17 na qito oqori a dara kina na jersey N0 7. Ke dua era mena soli vua nai tutu oqo , sa gole tiko na madigi vua na openside flanker ni Blues – Dalton Papali’i.

E vaka toka oqo na veika e vakaraitaka o Papali’i – “They were both leaders,” Papali’i said of Cane and McCaw. “They were both All Blacks captains, so those are pretty big boots to fill, to be honest. “But the good thing that we talk about is you don’t own the jersey, you’re just filling it with your legacy.

Ena qai kacivaka tiko nona timi o Robertson ena Jiune 24 ni oti na kena vakacavari na fainala ni Super Rugby Pacific kei na nodratou nanamaki ena imatai ni valataki vanua ena Jiulai 6 kei Igiladi e Dunedin.

source:stuff.co.nz