SERE VOU-SIGATABU NI TINA-MUDRE NI CAGI KEI SOVAIWAI
Written by Mika Qalobula on May 16, 2024
MUDRE NI CAGI KEI SOVAIWAI-Na matasere rogo e na noda vanua ka vuqa na nodratou sere ko ni sa dau rogorogoca tiko e na nomuni sala ni kakaburaki na Viti Fm.Na sere oqo na “SIGATABU NI TINA” e sere makawa ka vakavoutaka walega na kena i lagalaga na matasere na Mudre Ni Cagi Kei Sovaiwai, e lagata na sere oqo ko David Seru, ka katona ko Waisea Rogoyawa e na volau ni katokatoni na STR Records, ka biutavata na kena i yaloyalo na 21VOID Photo&Video.
SIGATABU NI TINA -Na sere oqo e talanoataki sara tikoga kina na nodra bula na Marama na Tinada, ka talanoataki jiko kina na nona Tina ka Tama tiko e na loma ni matavuvale , ka dina madaga ni sa ma i yali na Tama dina ni vuvale, ka yali talega na loloma vakatama, ia ko i ratou na gone e ratou dau lomani tinadratou vinaka, ka dua na ka nona dau luluvu o Tinadratou na gone e na gauna me dau vakasamataki tamadratou kina na gone, ka dina ga ni sa yali na Tama ni vuvale, ia na veika lalai kece sa dau rawata mai o Tinadra na gone e ratou sa dau veiwasetaka toka ga vakaveitinani ,ka bibi ga na loloma dina vaka Tina ka dau solia tiko vei ira na luvena.
Na sere oqo e buli walega me i vakananumi tu ni nodra bula na Marama Tina ka ra Tina,Tama tiko e na nodra vuvale.
VITI FM:92.2/92.4/92.6/92.0 FM-E-KAMICA-QAI-KAJI
I VUREVURE-MUDRE NI CAGI KEI SOVAIWAI
