Hoskins Sotutu – Saini tale me 2 na yabaki kina New Zealand Rugby.
Written by Atu Kurumudu on May 10, 2024
Saini tale me rua na yabaki kina New Zealand Rugby o Hoskins Sotutu ka vakadeitaka talega na cauravou oqo ni toso vinaka tiko na nona qito.
Sotutu yabaki 25 e dua vei rau na cauravou me tabaka e levu duadua na sikoa [9] ena Super Rugby Pacific ena gauna oqo ka rau tautauvata tiko kei na wing ni Crusaders , o Sevu Reece. Era kaya na dau vakamuria na rakavi ni dau tutu yadua me laurai e dua na loose forward me tabaka e levu na sikoa me vakataki Sotutu.
Lutu na yacana ena timi nei Ian Foster ena timi ni All Blacks ena Rugby World Cup ena yabaki sa oti, ia sa tu vakarau mena saga tale na nona itutu ena veiliutaki nei Scott Robertson.
Ke dua na dauqito ena sarava matua o Robertson ena qito ena mua ni macawa oqo , sai rau na naba 8 ruarua. Hurricanes , ena toka mai kina o Brayden Iose kei Sotutu mai na Blues ena nodrau na sota e Eden Park ena Vakarauwai oqo.
Hoskins Sotutu ena timi ni Blues.
HANNAH PETERS / GETTY IMAGES
Vakaraitaka o Vern Cotter na coach ni Blues ka kaya – “Hoskins can do things no other player in his position can do with ball in hand. His five-point contributions have helped us build scoreboard pressure and he’s getting regular turnovers at lineout and tackle situations,”
Sa qito oti ena 14 na valataki vanua o Sotutu me tekivu mai na 2020 , ka itoitoi ni gauna me qito kina vei All Blacks ena gauna rau a tai kina ena 25-25 kei Igiladi e Twickenham ena 2022 northern tour.
source:stuff.co.nz
